فه يسبووك

ناونیشانی ئەنجومەنی دادوەری

الاثنين كانون الأول 12 2022 - 12:10
سه‌رۆكی ئه‌نجومه‌نی دادوه‌ری پێشوازی له‌ سه‌رۆكی نووسینگه‌ی تایبه‌ت به‌ ماده‌ی هۆشبه‌ر و تاوانه‌كانی سه‌ر به‌ نه‌ته‌وه‌ یه‌كگرتووه‌كان كرد


31/10/2022
122 جار خوێندراوه‌ته‌وه‌


ئه‌مڕۆ 31/10/2022 به‌ڕێز دادوه‌ر عبدالجبار عزیز حسن سه‌رۆكی ئه‌نجومه‌نی دادوه‌ری هه‌رێمی كوردستان پێشوازی كرد له‌ به‌ڕێز مارتن ریڤ به‌رپرسی نووسینگه‌ی تایبه‌ت به‌ ماده‌ی هۆشبه‌ر و تاوانه‌كانی سه‌ر به‌ نه‌ته‌وه‌ یه‌كگرتووه‌كان.

له‌ دانیشتنێكدا، سه‌رۆكی ئه‌نجومه‌نی دادوه‌ری سوپاسی تیمی تایبه‌تی نه‌ته‌وه‌ یه‌كگرتووه‌كان بۆ ماده‌ی هۆشبه‌ر و تاوانه‌كان كرد بۆ كاری هاوبه‌شیان له‌گه‌ڵ ئه‌نجومه‌نی دادوه‌ری و دادگاكانی هه‌رێمی كوردستان. هه‌روه‌ها سه‌رۆكی ئه‌نجومه‌نی دادوه‌ری رایگه‌یاند تاوانه‌كانی وه‌ك ماده‌ی هۆشبه‌ر و بازرگانی كردن به‌ مرۆڤ، تاوانی گه‌وره‌و جیهانین و سنوری وڵاتانی تێپه‌ڕاندووه‌ و رۆژ له‌ دوای رۆژ له‌ په‌ره‌سه‌ندندان، بۆیه‌ رێگری كردن له‌م دیارده‌ جیهانیه‌ش پێویستی به‌ هاوكاریی هاوبه‌شی نێوده‌وڵه‌تی و سوود وه‌رگرتن له‌ شاره‌زایی و پسپۆڕی رێكخراوه‌كانی سه‌ر به‌ نه‌ته‌وه‌یه‌كگرتووه‌كان و هاوبه‌شه‌ ئه‌مریكی و ئه‌وروپیه‌كان هه‌یه‌. له‌وڕووه‌شه‌وه‌ ئاماده‌یی ئه‌نجومه‌نی دادوه‌ری ده‌ربڕی بۆ به‌رده‌وامیی هاوكاری و هه‌ماهه‌نگی نێوانیان به‌ تایبه‌ت له‌ بواری كردنه‌وه‌ی وركشۆپ و خولی به‌هێزكردنی تواناكان.

لای خۆیه‌وه‌، سه‌رۆكی نووسینگه‌ی تایبه‌ت به‌ ماده‌ی هۆشبه‌ر و تاوانه‌كان وێڕای خۆشحاڵی خۆی به‌و سه‌ردانه،‌ سوپاسی سه‌رۆكی ئه‌نجومه‌نی دادوه‌ری كرد بۆ هاوكاری به‌رده‌وامیان و سه‌ره‌ڕای ته‌ئكیدكردن له‌ بۆچونه‌كانی سه‌رۆكی ئه‌نجومه‌نی دادوه‌ری رایگه‌یاند ئه‌وان بۆ به‌رزكردنه‌وه‌ی ئاست و توانای كاری دادوه‌ران و لێكۆڵه‌ره‌وانی دادوه‌ری ئاماده‌ی پێشكه‌ش كردنی هه‌موو هاوكاری و هه‌ماهه‌نگیه‌كن و له‌ پلانیاندایه‌ له‌ ماوه‌یه‌كی نزیكدا خول و وركشۆپی نوێی تایبه‌ت به‌ به‌ره‌نگاربوونه‌وه‌ی ماده‌ی هۆشبه‌ر و بازرگانیكردن به‌ مرۆڤ بۆ ژماره‌یه‌ك دادوه‌ر و لێكۆڵه‌ره‌وه‌ی دادوه‌ری بكه‌نه‌وه‌ و دوباره‌ سوپاسی سه‌رۆكی ئه‌نجومه‌نی دادوه‌ری كرد بۆ به‌رده‌وامی هاوكاری و هه‌ماهه‌نگی له‌گه‌ڵیان.