|
|
ئه‌نجومه‌نی دادوه‌ری، داوا له توێژه‌ره یاسایی و دادوه‌رییه‌كان ده‌كا توێژینه‌وه پێشكه‌ش بكه‌ن
26/02/2013
1710
جار خوێندراوه‌ته‌وه
ئه‌نجومه‌نی دادوه‌ری هه‌رێمی كوردستان له نووسراوێكدا داوای له سه‌رجه‌م توێژه‌ره یاسایی و دادوه‌رییه‌كان له هه‌رێمی كوردستان ده‌كات كه توێژینه‌وه‌ی خۆیان پێشكه‌ش بكه‌ن.
دوای ئه‌وه‌ی بڕیار درا كۆنگره‌ی ئه‌نجومه‌نی دادوه‌ری هه‌رێمی كوردستان له مانگی نیسانی ئه‌مساڵ ببه‌سترێت، لیژنه‌ی ئاماده‌كاریی كۆنگره‌ی ئه‌نجومه‌نی دادوه‌ری بڕیاری دا بۆ ئه‌وه‌ی بوار بدرێت به دادوه‌ره به‌ڕێزه‌كان و لایه‌نه په‌یوه‌ندیداره‌كان بۆ پیچشكه‌شكردنی توێژینه‌وه‌كایان، بۆیه ته‌وه‌ره‌كانی توێژینه‌وه‌كان ده‌ستنیشان كردووه بۆ ئه‌وه‌ی دادوه‌ره به‌ڕێزه‌كان و كه‌سانی دیكه بتوانن توێژینه‌وه‌كانیان پێشكه‌ش بكه‌ن به‌م لیژنه‌یه. هه‌روه‌ها لیژنه‌ی ئاماده‌كاری كۆنگره‌ی ئه‌نجومه‌نی دادوه‌ری راشده‌گه‌یه‌نێت كه دوا مۆڵه‌ت بۆ وه‌رگرتنی توێژینوه‌كان كۆتایی ده‌وامی فه‌رمی رۆژی 15/3/2013 ده‌بێت له نووسینگه‌ی لیژنه كه ده‌كه‌وێته ئه‌نجومه‌نی دادوه‌ری یان سه‌رۆكایه‌تی دادگاكانی تێهه‌ڵچوونه‌وه‌ی ناوچه‌كانی هه‌ولێر، سلێمانی، دهۆك و گه‌رمیان به مه‌رجێك توێژینه‌وه‌كان له 20 لاپه‌ره زیاتر نه‌بێت و CD هاوپێچ كرابێت و هه‌ر توێژینه‌وه‌یه‌كیش په‌سه‌ند بكرێت پاداشت ده‌كرێت.
 |