|
|
ئه‌نجومه‌نی دادوه‌ری به‌رێژه‌ی 100%ی فۆرمه‌كانی تایبه‌ت به مولك و ماڵی گشتی بۆ ده‌سته‌ی ده‌ستپاكی گه‌ڕانده‌وه
18/05/2014
1396
جار خوێندراوه‌ته‌وه
ئه‌نجومه‌نی دادوه‌ری هه‌رێمی كوردستان ته‌واوی ئه‌و فۆرمانه‌ی كه له‌لایه‌ن ده‌سته‌ی ده‌ستپاكی هه‌رێمه‌وه نێردرابوون به مه‌به‌ستی ئاشكراكردنی موڵك و سامان و دارایی، دوای پڕكردنی ئه‌و فۆرمانه بۆ ده‌سته‌ی ده‌ستپاكی گه‌ڕانده‌وه.
ئه‌و فۆمانه‌ی كه بۆ ئه‌نجومه‌نی دادوه‌ری نێردرابوون تایبه‌ت بوو به گشت دادوه‌ر و لێكۆڵه‌ره‌وه دادوه‌رییه‌كان و هه‌ڵگری پله تایبه‌تیه‌كان له دیوانی ئه‌نجومه‌نی دادوه‌ری و گشت سه‌رۆكایه‌تیه‌كانی سه‌ر به‌م ئه‌نجومه‌نه كه دوای پڕكردنیان له ماوه‌ی دیاریكراوی خۆیدا بۆ ده‌سته‌ی گشتی ده‌ستپاكی گه‌ڕێنرانه‌وه.
دوای ئه‌وه‌ی ده‌سته‌ی گشتی ده‌ستپاكی له هه‌رێم رایگه‌یاند فۆرمی ئاشكراكردنی به‌رژه‌وه‌ندییه داراییه‌كانی ته‌واوی سه‌رۆكایه‌تیه‌كانی هه‌رێم و په‌رله‌مان و وه‌زیران و نوێنه‌ران و ژماره‌یه‌كی زۆر داموده‌زگایه‌كی دیكه بۆ ئه‌و شوێنانه ده‌نێرێت، ئه‌نجومه‌نی دادوه‌ریش یه‌كێك بوو له‌و شوێنانه‌ی كه فۆرمه‌كه‌یان وه‌رگرت و پێش ته‌واو بوونی ماوه دیاركراوه‌كه، ته‌واوی ئه‌و فۆمانه به رێژه‌ی 100% گه‌ڕێنرانه‌وه ده‌سته‌ی گشتی ده‌ستپاكی هه‌رێم.
هه‌روه‌ها پێش چه‌ند رۆژێكیش سه‌رۆكی ده‌سته‌ی گشتی ده‌ستپاكی هه‌رێم له كۆنگره‌یه‌كی رۆژنامه‌وانیدا ئاماژه‌ی به‌وه دا كه ئه‌نجومه‌نی دادوه‌ری هه‌رێم به ته‌واوی ئه‌و فۆرمانه‌ی گه‌ڕاندۆته‌وه بۆ ده‌سته‌كه‌یان و ده‌ستخۆشی له ئه‌نجومه‌نی دادوه‌ری كرد.
|
|