|
|
ئه‌نجومه‌نی دادوه‌ری و رێكخراوی هارت له‌ند پرۆژه‌یاسایه‌ك بۆ نه‌وجه‌وانان تاوتوێ ده‌كه‌ن
10/09/2014
1380
جار خوێندراوه‌ته‌وه
له سه‌ردانێكیاندا بۆ ئه‌نجومه‌نی دادوه‌ری هه‌رێمی كوردستان رێكخراوی هارت لاند ئه‌لایه‌نس پرۆژه‌یاسایه‌كی تایبه‌ت بۆ نه‌وجه‌وانانی پێشكه‌ش به ئه‌نجومه‌نی دادوه‌ری كرد.
ئه‌مڕۆ به‌ڕێز دادوه‌ر ئومێد موحسن عه‌بدولره‌حمان وته‌بێژی ئه‌نجومه‌نی دادوه‌ری هه‌رێمی كوردستان پێشوازی كرد له ستافی رێكخراوی هارت لاند ئه‌لایه‌نس كه پێكهاتبوون له خاتوو په‌یوه‌ست عارف به‌ڕێوه‌به‌ری پرۆژه‌ی دادوه‌ری نه‌وجه‌وانان و خاتوو نیگار ئیبراهیم رێكخه‌ری پرۆژه‌ی ناوبراو.
پرۆژه‌ی رێكخراوی هارت لاند تایبه‌ته به توێژی نه‌وجه‌وانانی عێراقی و سوریی و چۆنیه‌تی هاوكاری كردن و گه‌یاندنی خزمه‌تگوزاریی یاسایی و كۆمه‌ڵایه‌تی پێیان بۆ ئه‌وه‌ی بتوانن كێشه‌و گرفته‌كانی تایبه‌ت به نه‌وجه‌وانان به رێگه‌ی ئه‌و پرۆژه‌یاسایه چاره‌سه‌ر بكه‌ن و رێكخراوی یونیسێفیش وه‌ك رێكخراوێكی په‌یوه‌ندیدار پشتگیری ئه‌و پرۆژه‌یه ده‌كات.
له‌لایه‌ن خۆیه‌وه، وته‌بێژی ئه‌نجومه‌نی دادوه‌ری هه‌رێمی كوردستان هه‌موو ئاماده‌كاریی و پشتگیری پێویست بۆ سه‌رخستنی ئه‌و پرۆژه‌یه پیشاندا و ئاماژه‌ی به‌وه دا ئه‌و پرۆژه‌یه، پرۆژه‌یه‌كی گرنگه بۆ به‌دواداچوونی كێشه‌كانی نه‌وجه‌وانان و هه‌وڵدان بۆ چاره‌سه‌ركردنیان.
|
|